Çoxdandır yazmıram. Yazmayanda ürəyim sıxılır az qala. Amma, yazmağa bugünə kimi 4-5 dəfə başlasam da, hətta bir dənə yzı tam yazsam da, ürəyimə yatmadığına görə “dəftərə” köçürməmişəm. İş də həddindən artıq gərgindir.
İki gün əvvəl Nabran Caspian AutoShow-da iştirak edirdik. Nabrana ilk dəfə gedirdim və hər halda bir də sırf istirahət üçün getməyəcəm. Az qala eyni pula Antalyada istirahət edə bilirəmsə, Nabranda nə işim var. Məqsəd istirahət deyil, istirahət edə-edə maşınlarımızı təqdim etmək idi deyə, mövzum da maşınlardandır. Maşınların özlərindən bəhs etmək istəmirəm. İştirak edən yeni maşınlar Hyundai Genesis, Genesis Coupe, i20, Fiat Bravo, Kia Soul, Renault Koleos və Chevrolet Cruze idi. Əlbəttə ki, əsas diqqət mərkəzində bizim iki maşınımız idi: Genesis Sedan və Genesis Coupe.
Bu modellər Hyundai-ın premium sinifdə rəqabətə hazır olan iki modelidir. Xüsusən də, Genesis Sedan tamamilə əminəm ki, uğurlu model olacaq və rəqabətə davam gətirəcək. Coupe, isə əvvəlki Hyundai Coupe ilə ancaq iki qapısı olmaq cəhətdən ortaq nöqtədə birləşir, yoxsa tamamilə fərqli hədəf kütlələr üçün istehsal ediliblər (çalışıram “hədəf kütlə” ifadəsini işlətməyim, amma məcbur oluram arada). Niyə bu iki modeldən söz açdım? Çünki, marketoloqlar üçün əsas maraqlı olan da bunlardır. “Bu maşında nəsə çatışmır, amma bilmirəm nə?” deyib Hyundai-ın belə maşın istehsal edə bilməsini qəbul edə bilməyən müştərinin inadını necə qırmaq olar? “Xəttləri göstərən sistem var bunda?” soruşan müştəriyə “Bəli Lane Assist” sistemi var dedikdə “Ne smotrya na eto, ya bı vıbral Mercedes” deyərək guya ki, özünü ağıllı zənn edən müştərinin ağlının bir istiqamətdə işlədiyini necə izah etmək olar? Bax bunlara görə Genesis bizim üçün daha maraqlıdır. Yuxarıdakı kimi qıcıq dialoqlar da oldu, kontaktlarını qoyub maşın üçün sıraya düzülənlər də. Ən maraqlı olan isə, “Ne smotrya na eto, ya bı vıbral Mercedes” deyən adamın 4 dəfə hərlənib-fırlandıqdan sonra “Xalaldı Xunday. Mən gözləməzdim. Almaq olar. Almaq olar” deməsi oldu. Bu da olsun mənə dərs ki, müştəriyə qulaq asmaq lazımdır-1, müştərini öyrənmək lazımdır-2. Bu ikisindən sonra Druckerin “Marketinqin işi müştərini elə öyrənməkdir ki, ona özü-özünü satan məhsul istehsal edə bilsin” sözü 3-cü sırada işi tamamlayır. Genesis-i də HMC-nin marketoloqları müştərini yaxşı öyrənərək hazırladıqlarına görə, o tipli müştəriləri də “çevirmək” mümkündür.
2 comments:
Rustem yazilarina shekil elave elesen maraqli olar, atmosferi hiss etmek olmur. bir de genesis-in test drayvlari var, onu niye virus marketing elemirsiz?
Mak, sağol təklifə görə. Açığı şəkilləri qoymaq istədim, sonra vaz keçdim. Seçim gərək bir neçə şəkil əlavə edim.
Test drivelər üçün hazırlaşırıq. Aeroport yolunda test sürüşləri olacaq. İndi qanuni tərəfini həll etməyə çalışırıq. Bir də əlimizdə olan Genesis-ləri açığını desəm müştəri məcbur aldı bizdən. İndi gözləyirik ki, ikinci partiya gəlsin və test maşınlarını ayıraq.
Post a Comment