Biz niyə çörək bişirə bilmirik?

Almaniyaya ilk səfərim idi. Uzun illər Alman futboluna həvəsim, Alman maşınlarına böyük rəğbətim, Alman həyat tərzinə marağım səfəri mənim üçün biraz da mənalı edirdi. Başlayım aeroportdan. Çox qəribə, böyük, baş açmaq çətin olan aeroportları var. Ona görə də aeroport haqqında geniş yaza bilməyəcəm. Başa düşmədim ki, yazam.
Şəhər çox gözəldi. Sakit, təmiz. Gündüz küçələrdə adam çox az olur. Euro2008 oyunları dayam etdiyi müddətdə küçələrdə çox rəngarəng görüntülər var idi. Məsələn, Xorvatlar Almanları məğlub etdiyi gün, maşınlarında Xorvatiya bayrağı asılı olan Xorvatlar yüksək səslə bayram edirdi, ama mən görmədim ki, Almanlar onlara daş atsınlar. Digər ölkələr də həmçinin, Türklər, Hollandlar, Romınlar və.s Euro2008 demişkən, KIA (HYUNDAI-ın “sister company”si) çox gözəl marketing fəaliyəti nümayiş etdirirdi. Farnkfurtun mərkəzində böyük bir ekran var. Bütün millət orada futbola baxır. KIA həmin meydanda şəhərcik qurub, adını da qoyub KIA CITY. KIA və Euro2008 birləşmiş logo, içərisində hərcür içəcək verilən çadır, oyun yeri və.s Çox xoşuma gəldi. Təəssüf ki, camera yanında deyildi, yoxsa burada göstərərdim.
Yeməklərinə gəldikdə, çox da maraqlı mətbəx yoxdur. Ancaq, sosiska , kolbasa yemek istyənlərə çox boyük “imkanlar” var orada. Yeməklər haqqında bir cümlə ilə danışdım ki, keçim mənim əsas maraq dairəmə. Ürəyim partladı yazının burasına qədər ki, gəlim çatım maşınlara. Bizim Gürcülər və Azərbaycanlılar hər halda, Almaniyada köhnə C və E class Mercedes qoymayıblar qala. Mən Frankfurt və Heidelberg şəhərlərində oldum, aralarında uzun bir yol getdim, cəmi iki dənə köhnə Mercedes gördüm. Almaniyada ümumiyyətlə gördüyüm ən gözəl şey isə yeni Audi A4 və A5 oldu hər halda. Şəkildə görmək başqa, döngəni gecə işıqları ilə dönən yerdə görmək başqa. Hər iki model doğurdan da mükəmməl dizayn edilib. Qazaxstanlı yoldaşlar yeni Passat gördeklərini dedilər, ancaq mən heç nə yeni Passat-ın nə olduğunu başa düşdüm, nə də gördüm. Alman maşınlarından başqa ən çox görsənən Peugeot, Fiat, Toyota və Mazda-dır. Əlbəttə hər markanı görmək olur. Çox rəngarəngdir. Bizim Bakıda əla maşınlar çoxdur, ancaq rəngarənglik oradakı qədər deyil. Orada smartdan tutmuş, F 430 Scuderio-ya qədər bütün avtomobillərdən gördüm mən. Almaniyada Korea avtomobili satmaq həqiqətən də çətindir. İstəyirsən orada CMO Kotler, Brand Manager Zyman, Sales Manager Fox, Marketing Director da, nəbilim Məmmədov olsun, yenə də çətindir. Azərbaycanda HYUNDAI almaq məntiqlidir, əsas gətirmək mümkündür buna, rəqabətdə hətta çox üstündür rəqib markalardan bir çox cəhətdən, ancaq özünüzü beşcə dəqiqə Alman hesab edin, çox da ciddi qiymət fərqi olmadığı halda özünüzün Passatınızı qoyub, Korealının Sonatasını alarsınız? Çətin. Heç Alman, İngilis dilini “ingilisin” olduğuna görə danışmaq istəmir, o ki qaldı özünün maşının qoyub onun bunun maşınını alsın. Var əlbəttə alanlar, HYUNDAI əslində yaxşı qiymətləndirilə bilər Avropa bazarında. Avropa, tək Almaniyadan ibarət deyil.
Seminar və toplantılarımız HYUNDAI Europe GmBH mərkəz binasında keçirilirdi. Belə deyim ki, bu seminarın ümumiyyətlə məqsədi, HYUNDAI-ın yenilənmə prosesində ki, addımları gözlə görmək və dərindən başa düşmək idi, onu da gördük. HYUNDAI Europe yeni reformlara başlayıb. Sizə ancaq Marketing tərəfindən bəhs edim. Deməli, MissionQ conceptləri var. Mission to Quality mənasında. Brand room dedikləri yerlər var. Orada təsəvvür edin ki, competitors room, customer lifestyle room, brand personality və.s kimi “room”lar var. Mükəmməl deyə bilərəm buna. HYUNDAI Europe Brand Manageri-nin dili ilə desək, “Cheap car” olmaq istəmirik, “Biz artıq Toyota, VW, Honda, kimi maşınlarla yarışırıq”. Baxaq görək necə olur.

Yazası məsələ çoxdur, yadıma düşdükcə yazacam. Ancaq, Almanların ləzzətli, çeşid-çeşid çörəklərini yedikcə elə hey fikirləşdim görəsən biz niyə çörək bişirə bilmirik? Almanlar çörəyi bizdən az yeyir, heç olmasa özümüzün çox yediyimiz şeydə bir fərqlilik edək. Təndir çörəyi, zavod çörəyi, yuxa...