Yeni il qabağı yenə başlayacaq endirim kampaniyaları. Müştərilər nə qədər inanacaq? İnananlar çoxdur mənə elə gəlir ki. Bəziləri "endirmirlər", bəlkə də lap qaldırırlar. Mənim mövzum "endirmək" ya da "qaldırmaq" deyil.
Şirkətlərin çox müxtəlif kampaniyaları olur, endirim kampaniyaları olur, hədiyyə kampaniyaları olur, uduş kampaniyaları olur və.s. Kimin ağlına ağıllı nəsə gəlsə olur. Niyə də olmasın? Olsun!
Amma, bunların hamısında həqiqətən də müştəri üçün nəsə bir dəyər yaradılması əsas məqsəd olmalıdır ki, burada həm şirkət uzunmüddətli qazanclı çıxsın, həm də şirkət. Kampaniyalarda əsasən məqsəd qısa müddətli satışları artırmaq olur. Stokları əritmək, yeni gələn bir məhsulun satışını artıraraq daha çox kütlələrə nüfuz etmək, bəzən sırf səs küy yaratmaq və.s məqsədilə kampaniyalar təşkil olunur. Ancaq, bunu elə etmək olar ki, burada qısamüddətli satışlarla eyni zamanda, uzunmüddətli məqsədlərə də xidmət etsin. Bunun da bir əsas yolu var; kampaniyanı planlaşdırarkən müştərinin doğurdan da qazanclı çıxmağını fikirləşmək. Bu o demək deyil ki, müştəri qazansın şirkət batırsın. Tam tərsi, həm müştəri qazansın, həm də şirkət.
Müştəriyə təklif olunan hər şey bir dəyər yaratmalıdır ki, müştəri onu bəyənsin, ondan faydalansın. Yəni, ortada bir fayda müzakirə olunmalıdır. "Siqaret çəkən nə fayda görür?" deməyin, fayda deyəndə səhhətə yararlı şeylərdən bəhs etmirəm. Dünən oxuduğum kitabda maraqlı bir şey oxudum ki, Amerikada tüstüsüz siqaret istehsal olunub və bu siqaretin əmələ gəlməsi üçün də ümumi 500 milyon dollara yaxın pul xərclənib.Nəticəsi? Nəticəsi odur ki, heçkim ondan istifadə etmir və hazırda bazarda axtarsanız bir dənə də yoxdur. Yəni ki, nəticəsi "faydasızlıq"dır. Çünkü siqaret çəkən onun tüstüsündən "faydalanır", onun üçün "dəyər" elə o tüstünün ciyərlərə gedəndə verdiyi zövqdür.
Əsasən markalar haqqında danışanda "mənəvi fayda"lardan bəhs edirik. Eyni materila, hətta eyni tikilişə sahib Pierre Cardin köyək 50 USD, başqa hət hansı bir bilinməyən marka isə 10 USD ola bilər. Burada hansı sa maddi faydadan sözhbət gedə bilməz, söhbət köynəyin yaxasında Pierre Cardin yazılmağının vermiş olduğu başqa "faydalardan" gedir.
Nəysə, markalar qalsın kənarda.
Kampaniyalara geri qayıdıram. Kampaniyalarda da bu fayda düşünülməlidir. Müştəri kampaniyada iştirak etdikdən sonra o şirkətə və o markaya aid nəyinsə onun üçün dəyər yaratdığını fikirləşməlidir. Bəlkə də heç vaxt unutmayacağı bir şey olmalıdır bu onun üçün. Məsələ hədiyyənin böyüklüyündə deyil, məsələ hədiyyənin qiymətliliyindədir. Bir avtomobil markası müştərilərinə "Sentyabr ayında avtomobil alana bir futbol topu hədiyyə" kampaniyası başlatmağının bir faydası var kiməsə? Yoxdur! Amma, bizim yeni açılan United Sport müştəriləri üçün bu dəyər yarada biləcək bir kampaniya ola bilər. Düzgün təşkil edilsə ola bilər.
Azercell SMS hədiyyə etməklə nə qədər pul qazandırır bizə? Bunu indiyə kimi neçə nəfər hesablayıb? Mən hesablamamişam. Ancaq, bilirəm ki Azercell 77 SMS pulsuz verməklə bəziləri üçün bir fayda təmin etdi, ancaq ondan da daha əhəmiyyətli olan 5 SMS yazana,5 pulsuz SMS kampaniyası oldu. Sevgilisnə gündə 50 SMS yazan bir oğlan və ya qız üçün bu kampaniya çox faydalı oldu. Azercell özü isə bundan iki qat qazanclı çıxır. Nə qədər Azercell, qiymətlərini rəqabətsizliyə arxalanaraq göyün mininci qatında uçursa da bu kampaniya müştərilər üçün dəyərli oldu. Balaca da olsa!
Bütün bu fəaliyyətlərdə əsas fikir verilməli olan şey budur ki, sənin təklif etdiyin mal, məhsul, kampaniya müştərilərə nə və başqalarının vermədiyi nəyi verir, sənə nə qədər mənfəət gətirir?
Bu yazını bura qədər oxuyana bir qələm hədiyyə!!!
Dec 10, 2007
Subscribe to:
Post Comments (Atom)
AXTAR
Öyrəndiklərimi paylaşa bildiyim heç kim yox idi ətrafımda. Nə divarlara danışa bimirdim, nə divanlara. Sonra birgün yazmağı öyrəndim, qaralamağı daha doğrusu. İlk dəfə yazıb, ürəyimi boşaldanda isə AZƏRBAYCANIN İLK MARKETING BLOGU çıxdı ortaya.
Bütün hüquqları R.Məmmədov-a məxsusdur. 2008
6 comments:
Mən oxudum, hədiyyəmi verə bilərsiniz.. :)
:)) Mende oxudum,hediyyemi verin!!!:)))
Rustem,men bele basha dushurem ki, kampaniyalarin bazarda teshkili mushterini kenara qoysaq bele her bir muessise uchun elverishlidir. Demek olar ki,bu kampaniyalarin sayesinde hardasa guclu reqabet bashlayar ve hem gelir baximindan hem de yuksek imic baximindan insan munasibetleri,yuksek munasibetler esasinda qurulan xidmet arzu olunan hedde gelib chatar.
Ancaq bele bir sozde var: Biznesde muveffeqiyyetin achari- ozunu hemishe mushterinin yerine qoymaqdir.Yeni,eger sen gelir elde etmek isteyirsense ilk novbede mushteri elde edib sonacan onu elde saxlamalisan.Ister kampaniya olsun isterse de her hansi bir xidmet sahesi olsun.Deyek ki, kampanya kechirilirse ilk evvel muessise yaxshi shanslar elde etmish olacaq, ancaq gelecekde oz xidmet prosedurunu ve ya bir daha qeyd etsek ki,kampanyalarina goz yumursa,bax onda muessisenin geleceyinin ne derece shansli olacagina shubhe yaranmish olacaq. Bele desek duzgun olar muessisenin ve onun “saticisinin” vezifesi Potensial mushterini Daimi mushteriye chevirmekden ibaret olmalidir.
Umumilikde ise Azerbaycanda kampaniya teshkil edenler azdir.Kim isteyer ki,xerci chox olsun:)
Rustem, bu movzu actual movzudur. Yeri var! Teshekkurler! Birde men bura comment yazib gonderende mueyyen problemler yaranir. Qeydiyyat shriftlerini bir neche defe tekrarlamish oluram.
Makla sizi ilk gördüyüm gün hədiyyənizi verəcəm. Bax bu əsl "kampaniya" oldu...Hədiyyəni "ya bəxt"deyib gözləyirsən:)!
Nur, şərhə görə təşəkkür edirəm. Sənin hər iki tərfin qazanclı olması barəsində fikirlərinlə əlbəttə razıyam. Marketingin əsas funksiyalarından birinin müştəri qazanmaq və müştərini əldə tutmaq olduğunu nəzərə alsaq, istər kampaniyalarda istər fəaliyyətlərdə hər iki tərəfin qazanclı olması məsəsləsinin nə qədər əhəmiyyətli olduğunu görərik.
Bir yeni müştəri qazanmaq, köhnə müştərinin əldə saxlamaqdan 5 dəfə bahalıdır indiki bazarda. Bunun da diqqətdə saxlanılması böyük əhəmiyyət kəsb edir.
Hörmətlə,
Mənim qələmlərə xüsusi həssaslığım var:)
Xüsusi qələmlərə isə lap xüsusi)))
Bax bu olmadi! Sənə laiq xususi qələmin qiyməti 2000 AZN-dir. Bəlkə də daha çox!
Məni xərcə salacaqsan..:)
Post a Comment